اكلات رمضانيه سهله -

08-14-2010, 04:57 PM

اكلات رمضانيه سهله

وصفات باستخدام التوست:-
سويسرول الدجاج :

المقادير:

دجاجه مسلوقه منزوع عنها الجلد والعظاام
بصلة+ فصين ثوم (مفرومين)
جزرة مبشورة - ذرة - فلفل اخضر مقطع لقطع صغيرة - ملعقتين بقدونس مفرووم - ملعقه كزبرة ناعمة - رشه فلفل اسود - عصير نص ليمونه - ملح او مكعب ونص ماجي

الطريقة:

نحمس البصل والثوم مع شوي زيت ثم نضيف الدجاج مع نص كوب ماء عشان يتفتت اللحم زيادة وبعدها نضيف باقي المقادير ونخفف على النار لين ينشف المااي .

صينيه سندويش الدجاج بالفرن

وهذه وصفه ثانيه اخذتهااا من اخت ثانيه ...وانشاء الله تعجبكم

المقادير :
خبز توست - حليب سائل - 2 بيض
الحشوة :
دجاج او لحم مفروم او مرتديلا وجبن الموزاريلا او اي حشوة ثانيه حسب الرغبه وترشين فوقها جبن كرافت مبشور عشان تتماسك

الطريقة :
-اخفقي البيضه مع الحليب السائل
- يصف خبز التوست في صينيه مدهونه بالزيت ( حتى الجوانب ) ثم يصب عليها البيض المخفوق مع الحليب حتى يتشرب
- حطي الحشوة ورشي عليهاا الجبن المبشور ..
- غطى الحشوة بطبقه خبز التوست وصبي عليها البيض والحليب السائل .
- استمري لين يخلص المقدار عندك ورشي على الوجه شويه جبن موزاريلا بعد ماتحطين البيض المخفوق مع الحليب السائل وبعدين دخلي الصينيه الفرن حتى تحمر ثم تقطع وتقدم وهي ساخنه وبالعاااااااافيه انشاااء الله

ملاحظه : لو كان مقدار البيض مع الحليب المخفوق غير كافي تقدرين تضاعفين المقدار .

قارلك برد ( خبز بالثوم ) نفس الي في بيتزاا هت :

المقادير :
تحتاجين لخبز فرنسي طازج (اوالصموا المدور المستخدم لعمل سندويشات الهمبورجر )
4 ملاعق مايونيز
فص ثوم مدقوق مضاف اليه ملعقه ماءء
جبن موزاريلا ( المستخدم في عمل البيتزا )
بقدونس للتزين ورشه زعتر

الطريقة :
- قطعي الخبز الفرنسي بسكينه حاده بطريقه مائله ويكون حجم الشريحه وسط موخفيفه ولا سميكه كثير وان كنتي بستخدمين الصمون المدور تفتحين الخبزة بالنص بالسكين

- اخلطي الثوم والمايونيز وادهني سطح كل خبزة بالمايونيز و لا تكثرين المايونيز على الخبزة
- سخني الفرن
- رشي الجبنه على سطح كل قطعه خبز ( غطي الخبزة بالجبن )
- دخلي الخبز بالفرن لين يذوب الجبن ويشقر لونه
- رشي على سطح كل خبزة شويه زعتر او بقدونس على حسب الرغبه وبالهنا والعافيه

بيتزا العزوبيه السهله

المقادير:

- كيس من الخبز المستخدم لعمل سندويشات البيرجر
- صلصه العلالي للبيتزا
- فلفل اخضر مقطع قطع صغيره
- ملعقتين مايونيز
-جبن موزاريلا او جبن كرفت تشدر مبشور
- زيتون مقطع
- حبة طماط مقطعه قطع صغيره
- مشروم حسب الرغبه
- رشه زعتر

الطريقه :

- افتحي كل خبزة بالنص وادهني سطحها بشويه مايونيز ( لاتكثرين )
- ادهني الخبزة بصلصه العلالي و حطي باقي المقادير على حسب رغبتك
- رشي جبنه الموزاريلا على سطح كل خبزة
- صفي قطع الخبز بصينيه كبيره ودخليها الفرن لين يذوب الجبن
- رشي الزعتر على كل قطعه وقدميها لاسرتك وبالعااافيه

3- طريقه ثانيه لعمل البيتزااا / سندويتش البيتزااا الخفيف :

- تستخدمين الخبز العربي الخفيف لعمل البيتزاا ( تمسحين فوق كل خبزة بشويه ميونيز وتحطين الحشوة وترشين فوقها جبن الموزاريلا وتدخلينها الفرن ... طعمهااا يجنن تقدرين تقدمينها مثل ماهي او تلفينهاا وتصير كنهااا سندويشه بيتزااااا

كرات الجبن بالزعتر المقليه :

المقادير :
كيس صمون مدور حباته صغيره الي مايكون فوقها سمسم - بيضه مخفوقه - جبن كرفت سائل او اي نوع اخر المهم يكون سائل - زعتر

الطريقه :

- تشقين حبه الصمونه بطرف السكين بس ماتفتحين الصمونه للاخر وتحطين ملعقه متوسطه من الجبن السائل
- غمسين الصمونه بالبيض وبعدين غمسيها بالزعتر ( زعتر خالي من غير زيت ) غطيها من كل جاانب واستمري لين تخلصين المقدار كله .
- اقلي قطع الصمون بالزيت الساخن مجرد تشويح خفيف
وبالنهايه بتصير عندك كور جبن بالزعتررر جناااااااااااااااااااااااااااااااااااااااااااان كنهااا من افخر فرن .

خليه النحل السريعه :

مافي فرق بينهااااااااااااا وبين الطريقه التقليديه الا انهااااااا ماتعب مثل ذيك وعجينتهاااا مضمونه ميه ميه

المقادير :
كيس صمون حباته مدورة صغيرة ( الي تجي باشكال مومنتظمه وطعمها مثل خبز الضفيرة )
بيضه - جبن سائل او جبن كيري مهروس - قطر او شيرة - فستق ناعم

الطريقه :

تاخذين حبه الصمون وتشقين طرف واحد بس مو للاخير وتحشينها بالجبنه لين تخلصين المقدار كله .
اقلي قطع الصمون المحشيه بالجنبه بالزيت وبعدين صفيهاا بصينيه التقديم مثل خليه النحل وصبي فوقها الشيره ورشي على كل حبه الفستق الناعم وبسسسسسسسسسسسسسسس
ووالله جربوووووهااااا وراااح تدعووون لي

قالب الصمون بالقشدة :

المقادير :
- كيس صمون على شكل ضفيرة - علبه قشدة - ثلاث اربااع قالب زبدة سائحه - شويه قرفه ناعمه مقدار ملقعه - نص كوب كريمه سائله - نص كوب فستق ناعم - شيره او قطر على حسب الرغبه

الطريقه :
- شيلي الطبقه الغامقه من الصمون واتركيها على جنب
- نتفي الصمون الى شرائح خفيفه واخلطيها بالزبدة
- افردي ثلث المقدار في صينيه بايركس مدوره او مستطيله .
-اخلطي القشدة مع الكريماا السائله وحطي نص المقدار على مقدار الصمون الي فردتيه بالصينيه وبعدين حطي طبقه ثانيه من الصمون فوقه القشده والكريماا وغطيهم بالثلث الاخير من مقدار الصمون ورشي على السطح القرفه ودخليها الفرن لين تتحمر وبعدين رشي عليها الشيرة وزينييها بالفستق وقدميهااااا وبالعاااااااااااافيه يارب

وبالعاااافيه
المصدر: منتديات دلوعتي - من قسم: أطيب الماكولات - أشهى المأكولات

h;ghj vlqhkdi sigi

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
	حلى الجريش رهيب تسذا بقلم : كيان مجنونه	قريبا